Eyjafjöllum ofbýður

Er nýprentuð skýrslan ef til vill ástæðan?

Frón vort er fávitahæli
sem fest hefur verið prent.
Ég skil því að Eyjafjöll æli
en eflaust þau gera það pent.

Engan æsing, það hefur oft gosið hér og miklu oftar en ekki án stórra vandræða.

Þyrla á leið að gosinu

Gos - 1821 - Breiðfjörð

Gosið 1821 varð Sigurði Breiðfjörð að yrkisefni. Mig minnir að hann hafi komizt svo að orði:

Eldi spúa Eyjafjöll,
ei sú plága dvínar,
þau með götum eru öll
eins og brækur mínar.

Svona minnir mig að Meistari Breiðfjörð hafi haft það.

Öskufall byrjað í byggð

Breiðfjörð kvað

Gosið 1821 varð Sigurði Breiðfjörð að yrkisefni. Mig minnir að hann hafi komizt svo að orði:

Eldi spúa Eyjafjöll,
ei sú plága dvínar,
þau með götum eru öll
eins og brækur mínar.

Svona minnir mig að Meistari Breiðfjörð hafi haft það.

Eldurinn sést úr Fljótshlíð

Gordon Brown

Heimur allur hrósa má
og hylla vel og lengi
Gordon Brown sem ullar á
íslensk þjófagengi.

Ísbjörg

Hnipinn í buddu hundrað kall
hímir og eftir gengisfall
vart er að verðleik metinn;
af honum greiddi ég eitt sinn skatt,
ávöxt hann bar og fékk mig glatt;
hirðir hann bráðum Bretinn.

                       Jón Ingvar Jónsson

Skammdegið

Allt er nú með illum brag,
aumt er líf á Fróni.
Geislar sólar góðan dag
gleymdu að bjóða Jóni.

Af limrum

Bragfræði limra vefst fyrir mér. Það er ekki vegna þess að formið sé svo flókið, miklu frekar vegna þess hvað ég held að það sé teygjanlegt.

Ég held að flestir setji eftirfarandi rugl úr mér í flokk limra:

Á Bíldudal sagði hann Bæring:
"það besta gegn hungri er næring."
Með belgmikinn kvið
hann bætti svo við:
"ég held að ég fái mér hræring."

Mér er alls ekki ljóst hvernig fólk flokkar eftirfarandi bull úr mér, sem ég tel þó limru:

Limruskáld Örvar frá Odda
ætlaði' að ríma við Brodda
sem varð þó að pínu.
Því vantaði línu.

Í gær orti ég svo að eigin mati mína bestu limru. Eða, er þetta limra?

Limran, svo langt sem hún nær,
er ljóðform með skammlínur tvær,
en þessi er ekki með þær.

Staðfesta krata

Flestir Hafnfirðingar eru kratar, en kratar flagga slagorðunum "Fagra Ísland". Skyldi samt eftirfarandi ekki rætast?

 

Mjög er kyndug kratans sál,

kostuleg hans gildi,

Fagra Ísland fyrir ál

feginn selja vildi.

 

 

Þingslit

Flestir þingmenn, fljótt á litið,
frá sér ólmir hafa bitið,
ýmsir þeirra á sig skitið,
eftir þá sést víða dritið.
Því er núna þingi slitið,
það er bara eina vitið.

Léleg frammistaða

Ég hef staðið mig illa við bloggið, en ég ætlaði að senda svona þrjár til fjórar nýjar vísur í viku hverri.

Til að gera þó eitthvað sendi ég gamla bloggvísu eftir mig.

Nú skal hefja bögublogg,
býsna leirugt að ég hygg,
enda skal ég ybba gogg
allt þar til ég dauður ligg.

Þessi bragarháttur heitir gagaraljóð, en afbrigðið heitir gagaravilla, sem er þannig að endarímið myndar innbyrðis sniðrím.